Пет лица се повредени при експлозија на плинска боца во центарот на Белград, пренесува РТС повикувајќи се на извори од Министерството за внатрешни работи на Србија. Екипа на Брза помош, Противпожарна служба и полицијата се на терен и се грижат за повредените.
Според неофицијални информации, експлозијата се случила во ресторан за брза храна. Сите повредени се пренесени во Ургентниот центар. Местото на несреќата е обезбедено и пристапот на минувачите е блокиран.