Случај „Трезор“ – Затворска казна од 8 години за Сашо Мијалков, 15 за Грујевски
Поранешниот шеф на тајната полиција Сашо Мијалков е осуден на 8 години затвор за случајот под работно име „Трезор“, а се однесува на набавка на електронско-комуникациска опрема за потребите на Петтата управа при УБК од фирмата ГАМА од Велика Британија.
Обвинетиот Тони Јакимовски, поранешниот шеф на кабинет на Мијалков е осуден на 5 години затвор.
На екс помошник-министерот во МВР, Небојша Стајковиќ, судот му изрече затворска казна од 5 години, додека на поранешениот началник на Петтата управа во МВР, Горан Грујевски, кој е во бегство, 15 години затвор.
Судот ги задолжи обвинетите: Мијалков, Михајловски и Јакимовски солидарно да ја надоместат штетата на буџетот на Република Северна Македонија во износ од 21.158.296 денари.
Воедно, со пресудата се конфискувани срества во износ од 10.819.959 денари на фирмата Финзи.
Против пресудата дозволена е жалба во рок од 15 дена до повисокиот Апелационен суд.
