„Сопот“: Се бара инспекторите да ја надоместат штетата врз државата

Државното правобранителство бара  инспекторите вклучени во случајот „Сопот“, да бидат казнети  за оштетување на државниот буџет со нивната непрофесионална работа. Алсат обезбеди документ преку кој Државниот правобранител бара од Обвинителството за организиран криминал и корупција, врз основа на предизвиканата штета, на шест инспектори на УБК познати на јавноста да им биде одземена вредност од имотот, за да го обештетат државниот буџет. Барањето на државниот правен застапник се заснова на наодите издадени од поранешното СЈО, во текот на постапката за расчистување на случајот „Сопот“. Вредноста што треба да се врати во буџетот изнесува 1,4 милиони евра, соодветно колку што е отплатена првата група жители на Сопот, кои издржале затворски казни.

Државно правобранителство: „Ги информиравме сите институции за потребата од нивно постапување, за враќање на финансиски средства во државниот буџет според законските процедури, врз основа на кои државата ќе може да ги врати парите платени за надомест на штета. Додека Јавното обвинителство започнува кривична постапка против инспекторите за кои станува збор, Државното правобранителство ќе биде вклучено во гонење и кривична постапка против нив“

Но, одговорот на Обвинителството на Вилма Русковска беше одлучувачки, нема основа за кривично гонење.

Обвинителство за организиран криминал и корупција: „Нема основа за интервенција на Јавното обвинителство, затоа што предметните дела не ги содржат главните елементи за кривично дело, за кое се гони по службена должност и кое спаѓа во надлежност на Јавното обвинителство за гонење на организиран криминал и корупција во Скопје ”.

Државниот правобранител ги повтори барањата за обештетување на жителите од Сопот, осудени во отсуство. Неговото барање беше упатено до Судскиот совет, Советот на јавни обвинители, Министерството за внатрешни работи, Министерството за правда и Главниот јавен обвинител. Слично барање е доставено до Владата, но премиерот Зоран Заев вели дека партиите се обидуваат да постигнат договор. Според него, доколку не се постигне договор, штетата ќе се надомести врз основа на судската одлука.

„За Сопот имаме судски договор за обештетување. Се дискутира и  за да се постигне договор, но ако нема, тогаш процесот завршува со судска одлука, и државата е должна да ги надомести“, вели Зоран Заев, премиер.

Во двете претходни барања, Владата и Министерството за правда си ја префрлуваа топката едни на друга како надлежни за договор со поранешните осудени во отсуство за случајот Сопот. На последното барање од Министерството за правда, сè уште не е одговорено, додека од Државното правобранителство стравуваат дека доколку побарувањето за надомест на штета продолжи според судската постапка, покрај трошоците на оштетените, државниот буџет ќе биде оштетен повеќекратно, а постапката ќе се одолговлечи со години.

Адријан Керими