Спасовски: Решението на односите меѓу Косово и Србија е од пресудно значење за регионот

Македонскиот министер за внатрешни работи Оливер Спасовски смета дека позитивниот исход во односите меѓу Косово и Србија пресудно ќе влијае врз целиот регион.

Спасовски за белградска „Политика“ подвлекува дека договорот за нормализација на односите меѓу Приштина и Белград, чиј анекс е договорен во Охрид, е оценет како огромно достигнување со регионален придонес.

„Премногу конфликти и војни го уназадија развојот на нашиот регион и на нашите држави. Јасно е дека безбедноста е основа за развој на една држава, но и на регионот. Уморни сме од тоа да нѐ нарекуваат ‘буре барут’, вели Спасовски.