Специјалниот претставник на Европската Унија за Западен Балкан Мирослав Лајчак денеска ја започнува посетата на Белград, како дел од подготовките за претстојната средба на лидерите на Србија и Косово во Охрид.
Посетата на Белград, доаѓа по минато неделната посета на Приштина.
Лајчак ќе се сретне со претседателот на Србија Александар Вучиќ.
Лајчак и со српските власти ќе разговара за патоказот за имплементација на Спогодбата за патот кон нормализација на односите меѓу Косово и Србија.
За овој договор Вучиќ и Курти разговараа на средбата на 27 февруари во Брисел. На 9 март во Приштина Лајчак рече дека имал конструктивен и многу важен разговор со Курти за спроведувањето на Спогодбата и додаде дека средбата ги исполнила неговите очекувања и дека „добро разбира“ кои се очекувањата на Косово.