СВЕТ

Судијка во Илиноис му забрани на Трамп да учествува на републиканските прелиминарни избори

Судијката на американската сојузна држава Илиноис, Трејси Портер, забрани името на поранешниот претседател Доналд Трамп да се појавува на гласачкото ливче на прелиминарните избори на Републиканската партија, поради неговата наводна вмешаност во немирите во американскиот Капитол во јануари 2021 година.

Таа ја одложи таа одлука, бидејќи се очекува тимот на Трамп да поднесе официјална жалба против пресудата, па се очекува конечната пресуда да ја донесе Врховниот суд.

Организацијата „Слобода на говорот на народот“, која ја водеше кампањата за спречување на Трамп да учествува на првичните избори во Илиноис, ја поздрави пресудата како „историска победа“.

Портпаролот на кампањата на Трамп, најголемиот фаворит за кандидат на Републиканската партија на претседателските избори кои треба да се одржат во ноември, рече дека тоа е противуставна пресуда и најави жалба.

На Трамп претходно му беше забрането да учествува на републиканските прелиминарни избори во сојузните држави Колорадо и Мејн, но се очекува Трамп да поднесе жалба и на тие пресуди.

Прикажи повеќе

Related Articles

Back to top button