„Светиот Грал“ во нумизматиката продаден за повеќе од 9 милиони долари

Ретка златна монета, изработена од истакнат занаетчија во Њујорк во 1787 година, е продадена на аукција во Далас за 9,36 милиони долари.

Аукциската куќа Херитиџ го понуди њујоршкиот златник „Брашер Доблун“ на нумизматичката куќа за американски монети што се одржа во четвртокот вечерта, пренесува агенцијата АП.

„Брашер Дoблунс, за колекционерите на монети и познавачите на нумизматиката, е како Свет Грал. Најпозната и најпосакувана паричка“, рекол Тод Имхоф, извршен потпретседател на Херитиџ.