Тетовска Мала Речица без вода, жителите претураат „од шупливо во празно“

Дел од Мала Речица во Тетово, но исто така и од Улицата 146, немаат вода за пиење со децении. Постојано упатуваат барања до општина Тетово, но наместо полни чешми, оттаму добиваат само полни усти со ветувања. Дури и во овие жешки денови, жителите обезбедуваат вода за пиење преку полнење на резервоари и со други импровизации.

Дали имате вода за пиење?

„Не. Нема. Импровизираме вода, со буриња и црева. Населбата е без вода за пиење. Без вода сме скоро три децении, немаме вода 25 или 30 години. Ги полниме резервоарите, носиме вода со автомобили. Општината треба еднаш засекогаш да го реши овој проблем на жителите од оваа населба.“

„Имаме проблеми, имаме проблеми, понекогаш доаѓа вода, а понекогаш ја запираат, а ние плаќаме во град, овој дел во град плаќа.“

„Се снабдуваме малку, но нема доволно бидејќи сме во населбата таму долу. Имаат акумулации, имаат ставено неколку мали резервоари со цевки и ги земаат од реката затоа не знам што прави ова маало тука. Оваа населба нема базен.“

„Од јавното претпријатие велат дека проблемот ќе се реши со поставување на нова дистрибутивна мрежа. Првата и втората фаза биле завршени, но не можат да кажат кога се очекува да заврши третата фаза за конечно и овие жители да имаат вода во чешмите.“

Верувам дека тие ќе бидат дел од системот што е завршен, така што третиот дел е последниот, каде првиот дел беше изградбата на резервоарот, остана третата фаза од дистрибутивната мрежа“, изјави Љуљзим Шаќири, сектор за водоснабдување на ЈКП „Тетово“.

Кога се очекува да заврши проектот?

„Треба да прашате во секторот за општински дејности затоа што тоа е општинска политика за инвестиции.“

Останатите домаќинства од селото Мала Речица сами си го решаваат проблемот со водоснабдувањето преку сопствено финансирање на басен и редовно имаат. Но, додека другата половина од селото коешто три децении е под надлежност на општинското јавно претпријатие, постојано нема вода.

Башким Сулејмани