Трамп помилува 15 лица, меѓу кои и негов поранешен советник

Американскиот претседател Доналд Трамп помилува 15 лица, меѓу кои и двајца републиканци вклучени во истрагата за руско мешање на изборите во 2016 година и поранешни владини службеници вклучени во скандал со приватната безбедносна компанија Блеквотер во Ирак. Трамп најави помилување, што не е невообичаено за претседателот во заминување, иако тој сè уште одбива јавно да ја признае победата на демократот Џо Бајден, кој ќе положи заклетва на 20 јануари. Трамп го помилува Џорџ Пападопулос, поранешен дипломатски советник на Трамп за време на кампањата во 2016 година, кој призна дека го излажал ФБИ за контакти со медијатор кој ветил дека ќе го поврзе со руски претставници.