Тренерот Благоја Милевски се соочува со проблеми

Во пресрет на собирот на играчи за квалификациските средби на Македонија во ноември, против Ерменија и Исланд, селекторот Благоја Милевски се соочува со одредени проблеми. По Аријан Адеми и Бобан Николов, денеска се повреди и напаѓачот Адис Јаховиќ, кој настапува за тимот на Гезтепе. На средбата против Коњаспор, Јаховиќ се повреди во 16. минута и веднаш го напушти теренот. Во случај на тешка повреда, селекторот Милевски треба да повика нов напаѓач против Ерменија на 11 и Исланд на 14 ноември.