Тројца лекари обвинети за тешко кривично дело против здравјето

Основното јавно обвинителство Струга поднесе обвинителен акт против тројца лекари – гинеколози-акушери во струшката болница, кои се осомничени дека несоодветно укажале лекарска помош на пациентката Јелдиз Веапоска од Дебар, случај што се случи пред две години. Тројцата лекари се товарат за тешко дело против здравјето по членовите 217 и 207 од Кривичниот законик.

„Родилката е примена на 27.08.2020 година на породување на гинеколошкото одделение во Струга, бидејќи била во 40-та недела од бременоста. Таа била примена од првообвинетиот М.Х., кој ја третирал како пациентка во текот на целата бременост и одлучил породувањето да се направи со царски рез. Второобвинетиот помогнал во операцијата, но при операцијата ја оштетил левата бубрежна артерија, изјаваат од Основно јавно обвинителство Струга

Според вештачењето, при породувањето со царски рез, на пациентката Јелдиз по грешка и била пресечена бубрежната артерија, но во неможност да го откријат проблемот и ги извадиле здравите репродуктивни органи на пациентката. Но, крварењето не престанало и и била дадена погрешна терапија со што и е влошена здравствената состојба, се вели во обвинителниот акт на обвинителството.

„Првообвинетиот со помош на третопријавениот решил да направи нова операција за спречување на крварењето, отстранување на матката и левиот јајник, иако немало никакви промени или повреди на овие органи. Откако крварењето не престанало и по затворањето на пациентот, тие се одлучиле на друга операција и хирурзите откриле дека крварењето е поради оштетување на бубрежната артерија предизвикано од царски рез. Поради неможноста да се опорави артеријата, левиот бубрег морал да биде преврзан и отстранет за да се спаси животот на пациентот“, Основно јавно обвинителство Струга

Пет дена додека престојувала во болница таа имала внатрешно крварење додека не паднала во кома. Дури по влошување на состојбата, од болницата решила да ја префрлат на Државната клиника „Мајка Тереза“ во Скопје. Според кривичното дело, обвинетите се соочуваат со затвор од 1 до 3 години, предвидени во Кривичниот законик на Северна Македонија. /Алсат.мк

Аднан Ќаили