Уапсен и протеран познат нарко бос од Турција

Полицијата вчера уапси и протера познат нарко бос од Турција, кој подолг период мешетарел во државата. Во кулоарите на големо се зборуваше за неговото присуство во Македонија и конекциите со локални бандити, но и политичари.

Од МВР го потврдуваат приведувањето:

„ На 18.01.2021 полициски службеници од Бирото за јавна безбедност го приведоа Р.С.П. (49), кој престојувал спротивно на целта за краткорочен престој. По констатираната злоупотреба на престојот, лицето е протерано од територијата на Република Северна Македонија.“, велат од МВР.