Убиство во кафуле во центарот на Штип., жртвата и осомничениот се турски државјани
Убиство во кафуле во центарот на Штип., жртвата и осомничениот се турски државјани
Дваесет и петгодишен маж е убиен во Штип кога во него пукаше 21-годишник во кафуле на градскиот плоштад. Според снимките од безбедносните камери, целиот инцидент се случил за неколку секунди, додека во барот имало и други луѓе. Според Министерството за внатрешни работи, и жртвата и сторителот се турски државјани.
„Во 21:25 часот, во Полициската станица Штип е пријавено дека во угостителски објект на градскиот плоштад во Штип, со пиштол бил застрелан Е.О. (25) од Турција, по што сторителот избегал со возило. Повредениот е пренесен во Клиничката болница, каде што починал во 22:10 часот“, велат од Министерство за внатрешни работи.
Откако го извршил делото, сторителот веднаш избегал од местото на настанот со возило „БМВ“, во кое биле присутни и уште четири лица. Полициските единици, преку координирана акција, поставија неколку блокади на патот кон Скопјe за да го запрат возилото, додека покрај безбедносните сили, теренот бил следен и со дронови. Кај наплатната рампа Миладиновци, возилото ја пробило полициската блокада и продолжило да се движи со голема брзина, но по кратко време било запрено. Снимката од сведок на инцидентот најдобро зборува за драмата:
„Во 22:15 часот на наплатната рампа кај Миладиновце, во заедничка акција на СВР – Штип и СВР Скопјe и Сообраќајната полиција, запрено е возило „БМВ“ со штипски регистарски ознаки, во кое имало четири лица, односно турски државјани 22-годишните А.Х. и Т.М., но и 28-годишниот А.О. и 29-годишниот О.М. за кои постои сомнение дека му помогнале на осомничениот за кривичното дело, 21-годишниот К.К. да избега. Во еден момент, А.Х. избегал, додека по преземени мерки бил брзо фатен. По преземени мерки, фатен е и сторителот К.К.“, велат од Министерство за внатрешни работи.
Властите го пронашле и пиштолот што е употребен во убиството. Обвинителството соопшти дека извршило увид на местото на настанот, ги обезбедило чаурите и другите траги што ќе бидат предмет на понатамошни испитувања, додека телото на жртвата е предадено на обдукција. Безбедносните камери се обезбедени и проверени.
„Се преземаат и други мерки за обезбедување докази, додека операциите за контрола на местото ќе продолжат и денес“, велат од Основно јавно обвинителство Штип.
Органите за спроведување на законот не даваат информации за мотивот за случајот, ниту за тоа дали турските државјани влегле легално во земјава и дали имале редовни дозволи за престој./Алсат.мк
Суад Бајрами
