Учениците од селата Брљарци и Идризово, втор ден по ред ја бојкотираат наставата

Наместо да одат на училиште, децата од селата Брњарци и Идризово во Општина Гази Баба го поминаа вториот училишен ден играјќи со топка во селските улици. Ова е затоа што тие стапија во бојкот. Родителите на децата во селото Брњарци бараат наставниот процес да се одвива во селското училиште, а не во училиштата во Арачиново, до каде треба да пешачат повеќе од три километри.

„Сега сум петто одделение, но не одам на училиште, бидејќи патот е далеку. Не ни дозволуваат да учиме тука блиску во Брњарци. Јас многу сакам да одам на училиште и да пишувам домашни задачи“.

„Не отидов на училиште, излегов да си играм со децата. Многу сакам да одам на училиште, да пишувам домашни задачи и да добијам петки. Многу ми недостигаат другарките од класот“.

„Во Арачиново се плашиме да одиме, има многу автомобили и кучиња, тоа е далеку. Денес, што направи што не отиде на училиште? Бидејќи не одиме на училиште, излегов да играм со моите пријатели“.

И покрај фактот дека децата ќе изгубат од наставниот процес, родителите се решени да бојкотираат додека не се реши проблемот.

„Како родител на овие деца, нема да им дозволам да одат на училиште додека не се реши овој проблем“.

„Додека не се реши овој проблем, ние нема да ги испраќаме децата на училиште. Ние бараме тие да не не одбијат. Ги замолуваме да не не одбиваат многу пати и да не ги  оставаат децата без училиште“.

Бајрам Бејта од родителскиот совет во Идризово е револтиран од незаинтересираноста на надлежните институции за судбината на децата во Идризово. Тој додаде дека оваа година околу 80 деца од прво до деветто одделение ќе го пропуштат училиштето бидејќи не се дозволува да се учи на албански јазик во основното училиште „Његош“ во Јурумлери.

„Ако не ја сфатат сериозно оваа работа, тогаш се поставува прашањето каде е демократијата и каде е правото бидејќи прашањето за паралелката на албански јазик е загарантирано со закон. Особено, се повикуваме на договорот што родителите го склучија со градоначалникот пред три години, во кој се наведува дека додека не се изгради новото училиште во Идризово, децата ќе продолжат на албански јазик во шесто, седмо, осмо одделение овде во „Петар Петровиќ Његош“ во Јурумлери“.

За двата наведени проблеми и денеска не добивме одговор од Општина Гази Баба. Повеќе од една деценија, родителите и учениците во селото Идризово бараат настава на албански јазик од шесто до деветто одделение, во основното училиште „Његош“ во Јурумлери. Во 2019 година, Општина Гази Баба го одби барањето за отворање албански паралелки во ова училиште. Потоа одлучи да изгради ново училиште во Идризово каде што ќе учат сите деца од селото. Но, одлуката за ново училиште остана само на хартија.

Мелихате Рустеми