Учениците се вратија во училишните клупи

Секој двор на основните и средните училишта денеска беше полн со ученици и родители на првиот ден од почетокот на новата учебна година. Детската галама се чини им недостасуваше на сите. Пред да влезат во училиштата, рацете на децата се дезинфицираат и им се мери температура.

Моето име е Рудина. Доаѓам во прво одделение. Многу сум среќна што ги гледам другарките. Едвај чекам да влезам во училницата да ја видам наставничката.

Чекам да ја видам наставничката и подготвив стихотворба за неа.

Дојдов во прво одделение да пишувам домашни задачи, да учам и да добивам петки.

Што ѝ купи на наставничката? Цвеќе. Прво одделение си? Да. Се израдував што почна училиштето.

Наставничката Сенџан Мифтари од основното училиште „Хасан Приштина“ во Скопје ги потсети родителите на здравствените препораки и училишните правила.

„Строго е забрането родителите да влегуваат во училница. Ја имам вашата листа и телефонски броеви, ќе формирам група и оваа група ќе биде единственото средство за контакт помеѓу мене и вас. Ќе бидете редовни секој ден на училиште почитувајќи ги мерките. Јас ќе излегувам секој ден, ќе ги примам децата и така ќе ви ги предавам.“

Радост и емоции дури и во средните училишта. Со нетрпение за да ја започнат учебната година, многу од учениците пристигнаа на училиште уште во 7 часот наутро.

„Ние сме исклучително добро организирани, користејќи ги трите влезови и излези што ги има училиштето. Учениците беа многу задоволни бидејќи ги имаше во училишниот двор уште од 7 часот. Нормално дека е тешко, но имајќи предвид дека ги знаеме мерките и протоколите, ќе одржуваме повеќе хигиена и ќе бидеме најдоследни во мерките што ги има предвидено Министерството за образование.“

„Многу добро и многу емотивно. Се надевам дека ќе поминеме добри четири години со класот и со класната.“

„Многу сум среќна бидејќи онлајн наставата беше многу тешка. Не успеавме да научиме на тој начин. Со физичко присуство е многу подобро.“

Во гимназијата Зеф Љуш Марку во Скопје учениците ни рекоа дека доброволно ќе ги почитуваат мерките за наставата повторно да не се врати онлајн.

„Клупите се конечно полни. Во училиште не е тишина, тоа е многу голем плус, децата се исто така весели. Очекував сите да дојдат и кога влегов во училницата сите беа во клупите, молчеа и ми оставија исклучително добар впечаток. Се надевам дека сè ќе биде во ред и ќе поминеме барем половина година со присуство, а уште подобро ако можеме и цела година.“

„Сакаме да доаѓаме и многу лесно ќе ги почитуваме мерките, иако ситуацијата е малку тешка.“

„Ќе биде малку тешко поради мерките и маските, но не пречи затоа што сите имаме волја да одиме на училиште.“

„Ова е нов почеток, многу е добро што почнавме со училиште бидејќи бевме затворени дома.“

Атмосфера

Мелихате Рустеми