Италијанската регулаторна агенција ја одобри употребата на вакцината „Модерна“ против ковид 19 за деца на возраст од 12 до 17 години.
Заедно со вакцината „Фајзер“, ова е уште еден лек одобрен за адолесценти.
– Достапните податоци покажуваат дека вакцината е ефикасна и безбедна за субјектите од оваа возрасна група – се наведува во соопштението.
Некои европски земји објавија дека вакцинацијата на децата е важна за да се постигне колективен имунитет во времето на ширење на повеќе заразна варијанта на делта вирусот.
„Модерна“ во мај објави дека нејзината вакцина е безбедна и ефикасна за тинејџерите.
