ВЕСТИСВЕТ

(ВИДЕО) Се разбуди Етна! Најголемиот вулкан во Европа исфрли лава и пепел

Се разбуди најголемиот и највисок активен вулкан во Европа, Етна, објавија италијанските медиуми.

Лавата од Етна се излеала во два крака, првиот кон напуштената долина Бове, а втората во северниот дел на кратерот на вулканот.

Вулканската пепел покрила повеќе автомобили во селата на Сицилија, а локалните власти известиле дека црна пепел е пронајдена и на дваесетина километри од Етна.

Ерупцијата била видлива и од градот Таормина, оддалечен педесетина километри.

На Бадник 2018 година, поради ерупцијата на Етна, воздушниот сообраќај беше во прекин, а четири дена потоа, земјотрес со јачина од 4,9 степени ја потресе Сицилија. Немаше жртви, но повредени беа четири лица и неколку згради беа оштетени.

Првиот пишан доказ за ерупција на Етна, вулкан висок 3.300 метри, датира од 425 година п.н.е., Иако ерупциите се чести, тие ретко предизвикуваат голема штета.

Прикажи повеќе

Related Articles

Back to top button