Веќе 48 часа голем пожар беснее на грчкиот остров Хиос во Егејското Море, ширејќи се на три фронта.
Од утрово во 06:00 часот по локално време, властите испратија два СМС-повика за превентивна евакуација на подрачјата Реста и Агија Параскеви во Кариос, објавува порталот „Катимерини“.
Chios Fire: Battle Rages on Three Fronts as Arson Suspected 🇬🇷 #Greecewildfires #chiosfire #Climatechange #Wildfire https://t.co/kguIyUm2OO pic.twitter.com/yMWQg3aCNx
— boppinmule (@boppinmule) June 23, 2025
Денеска канадерите повторно се активни, а дополнителни противпожарни сили се донесени на островот со брод од атинското пристаниште Пиреја. Досега, во операцијата за гаснење на пожарот се распоредени 190 пожарникари, 38 возила и четири авиони, но се очекуваат дополнителни засилувања.
Fire crews battled a large #wildfire on #Greece’s eastern Aegean island of Chios, as strong winds spread flames and thick smoke through forests and farmland, damaging warehouses, threatening homes.pic.twitter.com/zBN4Dj5G1A
— Chaudhary Parvez (@ChaudharyParvez) June 23, 2025
Од неделата, евакуирани се уште 15 населени места, имено Агиос Маркос Вронтадос, Карис, Варваси, Евери, Вавилои, Дафнонас, Верверато, Калкио, Василеонико, Гру, Зифијас, Агиос Макариос Вронтадос, Агиос Пагина, Агиос Панари, Ѓос Панорама, Панагија Воитија.
Екипа од Дирекцијата за противпожарна заштита (ДАЕЕ) е на Хиос, по наредба на началникот на Државната противпожарна служба, генерал-потполковник Теодорос Вагиас, со цел да се истражат причините за пожарот, во соработка со Државната безбедносна служба на грчката полиција (ЕЛАС), објавува „Катимерини“.
