Владата ќе проба да спречи иселување на работници кон Германија

Со мерки и програми владата најави дека ќе се обиде да ги задржи неквалификуваните работници во Македонија. Најавата од Германија дека годинава ќе бара 50.000 работници од Балканот го вклучи црвеното светло во Владата. Над 100 илјади невработени има во моментов, а дури половина од нив се интересни за најмоќната европска економија. Освен оваа тема во вечерашниот Економски магазин на Алсат се говори и за растот на минималната плата која од пролетва треба да изнесува над 20 илјади денари. Дали ќе има зголемување и на останатите плати?

„За неквалификувани работници има многу побарувачка кај нас… Заработуваат од 18 илјади денари па нагоре, меѓутоа имаат и повисоки плати. Зависи од секторот што работи, зависи од условите во кои работи, ризикот“, рече Јована Тренчевска министерка за труд и социјална политика.