Владата подготвена за дијалог за Изборниот законик

Владата е подготвена да разговара за предлозите на помалите политички партии за промена на Изборниот законик или изборниот модел. Сепак, министерот за правда во заминување Бојан Маричиќ, смета дека не треба да има временско ограничување и треба да се постигне политички консензус. Одговорот на Маричиќ доаѓа еден ден откако помалите партии соопштија дека ја условуваат нивната поддршка за парламентарното мнозинство и за гласањето за новата влада. Ако до 15 април не се расправа за моделот со една изборна единица, ќе го напуштат мнозинството.

Во допис испратен до претседателот на Собранието Талат Џафери, пратениците Павле Трајанов, Маја Морачанин, Моника Зајкова, Боби Мојсоски, Љупчо Балкоски и Бејџан Иљас, од Демократската лига, Демократска обнова на Македонија, Либерално-демократската партија, Турската демократска партија и ВМРО-Народна бараат продолжување на пленарната седница од 18 мај минатата година на која е нивниот предлог.

„Со оглед на важноста на законот, инсистираме што поскоро да се закаже пленарна седница и да се отвори расправа за предлог-законот. Со измените се предлага Република Северна Македонија да биде една изборна единица, со пропорционален изборен модел и без праг.“

Преговорите за Изборниот законик почнаа минатата година, но не се знае дали ќе продолжат. Министерот Маричиќ рече дека идејата за создавање на сосема нов закон не е напуштена.

За новата влада се очекува да се гласа во недела.

Fatlume Dervishi