ВМРО-ДПМНЕ: Ако немало Анекс на договор зошто СДСМ не испрати демант до Каракачанов кој кажува дека Анекс има

Ако немало Анекс на договорот со Бугарија зошто СДСМ не испрати демант до Каракачанов кој кажува дека Анекс има, прашува опозициската ВМРО-ДПМНЕ во денешното партиско соопштение.

Во текстот се додава:
СДСМ и Зоран Заев залудно се обидуваат да го сокријат Анексот кој им е врачен од Бугарија. Анекс со 12 точки е доставен до оваа ненародна влада во кој се бара ревидирање на историјата, промена на образовниот систем и идентитетските прашања. Овој Анекс власта на Заев веќе го преговара, што покажува дека Заев и СДСМ веќе тргуваат со историјата и идентитетот, се наведува меѓудругото во денешното соопштение од опозициската партија.