ВМРО-ДПМНЕ повторно бара предвремени парламентарни избори.
На седницата за пратенички прашања опозицијата рече дека СДСМ дошла на власт со мотото за подобар живот, а денеска државата се соочува со многу кризи. Ковачевски дециден – избори нема да има.
Опозицијата побара премиерот Димитар Ковачевски да утврди дали енергетската, економската, политичката и идентитетската криза се доволна причина за предвремени парламентарни избори.
Александар Николовски го потсети првиот човек на Владата дека неговата партија дошла на власт со ветување за подобар живот и праша дали денес се живее подобро или не.
Премиерот одговори дека парламентарното мнозинство има единствен став во однос на изборите.
Премиерот и коалиционите партнери минатата недела кога ги запозна со францускиот предлог, се договорија да нема нови парламентарни избори до 2024 година./Alsat.mk
Адријан Керими