ЗДРАВСТВОСВЕТ

Во Кина прв случај на птичји грип кај луѓе, заразено е четиригодишно дете

Кина соопшти дека го открила првиот случај на птичји грип H3N8 кај луѓе, но здравствените власти тврдат дека е мал ризикот за пренесување од човек на човек, јавуваат тамошните медиуми.

Познато е дека од овој сој најчесто заболуваат коњи, кучиња и фоки, но досега не бил откриен кај луѓе.

Кинеското министерство за здравство соопшти дека четиригодишно момче, кое живее во централната провинција Хенан, било позитивно на сојот H3N8.

Момчето кон почетокот на април е хоспитализирано со температура и други симптоми на грип. Семејството на заразеното момче одгледувало кокошки и живеело во населба каде што имало многу диви патки.

Како што се пренесува, момчето е заразено директно од птица.

Министерството за здравство додава дека ризикот од зараза во големи размери е релативно мал. Сепак, властите апелираат луѓето да не се доближуваат до мртви или болни птици и да одат на доктор во случај на грозница или појава на респираторни симптоми.

Случаите со пренесување на птичји грип кај луѓе се исклучително ретки.

Прикажи повеќе

Related Articles

Back to top button