ВЕСТИРЕГИОН

Во моментов нема јасен победник на претстојните избори во Бугарија

Резултатите од истражувањето на агенцијата „Алфа Рисрч“ не покажуваат јасен победник на претстојните парламентарни избори во Бугарија, што ќе се одржат на 2 април.

Истражувањето е спроведено во периодот од 25 до 29 март 2023 година врз 1013 полнолетни граѓани од целата држава. Студијата е финансирана со сопствени средства на „Алфа Рисрч“. Користен е стратификуван двостепен извадок од квоти според основните социо-демографски карактеристики. Информациите биле собрани преку директно стандардизирано интервју со таблети во домовите на испитаниците.

Од учесниците во истражувањето, 39 отсто рекоа дека ќе гласаат на парламентарните избори. Други 13 отсто се уште да се двоумат, бидејќи е можно да донесат одлука на самиот изборен ден. Кампањата го смени мислењето за кого да гласаат на 11 отсто од тие кои одлучиле да излезат на гласање. Останатите 15 отсто сè уште не одлучиле кого да поддржат, покажуваат резултатите од истражувањето.

Податоците од истражувањето покажуваат дека во Парламентот би влегле пет партии и коалиции. ГЕРБ-СДС ја поддржуваат 25,9 отсто од тие кои одлучиле да гласаат. „Продолжуваме со промената – Демократска Бугарија“ доби 25,4 отсто од гласовите. Оваа разлика е многу под статистичката грешка и практично го потврдува паритетот меѓу двете водечки политички сили, коментираат од „Алфа рисрч“. За Движењето за права и слободи (ДПС) ќе гласаат 13,8 отсто, за „В’зраждане“ („Преродба“) 13,6 отсто, а за „Бугарската социјалистичка партија“ (БСП) 8,2 отсто.

Спротивставувањето меѓу првите две политички сили и фокусот на вниманието на јавноста врз нив ги става малите формации во понеповолна ситуација, коментираат од „Алфа рисрч“. „Бугарски подем“ и „Левица!“ имаат теоретски шанси да ја прескокнат бариерата од четири проценти, но гласањето во голема мерка ќе зависи од нивната способност да ги убедат своите гласачи „зошто треба да отидат до гласачките места“, додава агенцијата. „Бугарски подем“ добива поддршка од 3,9 отсто. За „Левица!“ ќе гласаат 3,1 отсто, а за „Има таков народ“ 2,3 отсто.

Прикажи повеќе

Related Articles

Back to top button