Министрите за надворешни работи на земјите-членки на Европската унија ќе разговараат за состојбата во Западен Балкан на состанок во понеделник, соопштија од ЕУ, потврдувајќи дека дијалогот за нормализација на односите меѓу Србија и Косово ќе бидат меѓу клучните точки во рамките на дискусијата.
На состанокот, кој ќе биде предводен од шефот на европската дипломатија Јозеп Борел, се најавува учество на специјалниот претставник на ЕУ за дијалогот Мирослав Лајчак, кој треба да ги информира министрите за подготовките за нова рунда на највисоко политичко ниво со што ќе се одбеежи продолжувањето на дијалогот помеѓу Приштина и Белград.
Како дел од дебатата за состојбата во регионот, според најавите на претставници на Брисел, ќе се разговара и за „геополитичкиот пристап на ЕУ кон Западен Балкан“. Ова е, како што се истакнува „долгоочекуваната стратешка дебата“ за Западен Балкан. Извори од ЕУ истакнуваат дека дебатата нема да се фокусира на процесот на пристапување на земјите од регионот.
„Дури и без дискусија, јасно е дека Западен Балкан има европска перспектива. Тука ќе се занимаваме со надворешната политика “, објасни еден европски службеник.
