Во Скопје вчера санкционирани 253 возачи

Министерството за внатрешни работи во акциска контрола во областа на сообраќајот на територијата на град Скопје во текот на вчерашниот ден санкционира 253 возачи, меѓу кои 14 за возење без возачка, 12 за технички неисправни и нерегистрирани возила, 24 за користење мобилен телефон.

Изречени се и осум санкции за минување на црвено светло на семафор, 24 за некористење сигурносен појас, 61 за непрописно паркирани возила, а казнети се и 36 пешаци.

Од МВР најавуваат дека и во наредните денови продолжуваат засилените сообраќајни контроли и апелираат граѓаните да ги почитуваат сообраќајните правила и прописи за да се зголеми безбедноста во сообраќајот.