ВЕСТИМАКЕДОНИЈАРЕГИОН

Вучиќ: Одлуката за учество на Самитот во Брисел ќе ја донесам по консултации со Владата и со земјите од Отворен Балкан

Вучиќ: Одлуката за учество на Самитот во Брисел ќе ја донесам по консултации со Владата и со земјите од Отворен Балкан

Српскиот претседателот Александар Вучиќ денеска најави дека утре ќе има консултации со премиерите на Северна Македонија и на Албанија, Димитар Ковачевски и Еди Рама, како и со Владата на Србија за претстојниот Самит за Западен Балкан, па дури тогаш ќе донесе одлука дали ќе патува во Брисел, јави дописникот на МИА од Белград.

– Тогаш ќе донесеме одлука дали ќе одиме во Брисел и каква позиција ќе имаме, изјави Вучиќ, одговарајќи на прашање дали добил покана за учество на Самитот на 23 јуни во Брисел, дали ќе оди и каков ќе биде ставот на Србија на оваа средба.

Вучиќ рече дека во петокот добил официјална покана да присуствува на седницата на Советот на ЕУ в четврток во Брисел, нагласувајќи дека тоа „ќе биде можеби најважниот и најинтересен ден во последните 10 години на европско ниво“.

– Ќе почекаме, утре ќе имам консултации во рамките на Отворениот Балкан, со Рама и Ковачевски, па ќе одржам консултации и со членовите на српската Влада и потоа ќе донесеме одлука дали ќе одиме во Брисел и каква позиција ќе имаме, изјави Вучиќ.

Тој додаде дека уште сега може да го каже своето мислење, но оти сепак нема да го стори тоа пред да се консултира со српската Влада и пред да размени мислења со останатите членки на иницијативата Отворен Балкан, за да го чуе и нивниот став.

Прикажи повеќе

Related Articles

Back to top button