Зачестени хакерски напади во пресрет на изборите во Германија

Германија гласа на 26 септември, но непосредно пред парламентарните избори се зголемија хакерските напади, за кои постои сомневање дека доаѓаат од руската воена тајна служба. Цел се некои германски пратеници. Портпаролката на Федералното министерство за надворешни работи во Берлин повика на итен прекин на сајбер кампањите и ѝ се закани на руската влада со последици доколку не постапи по ова барање.