Заев и Филипче најавуваат можно враќање на нормалната настава од септември

Премиерот Зоран Заев проговори за враќањето на учениците во училишните клупи од септември. „Мислам дека овој начин кој се спроведува лошо влијае на образованието на нашите деца“, рече Заев. Привременото затворање на училиштата би било во план б ако се влоши ситуацијата, но моментално премиерот оценува дека падот на бројот на нови заразени и вакцинацијата, би биле добра база за враќање на наставата со физичко присуство. Министерот за здравство, Венко Филипче, објави дека Комисијата за инфективни болести заедно со Министерството за образование подготвуваат протокол за враќање на учениците во училиштата од 1 септември.