Зголемен е бројот на кривични дела извршени од малолетници

Во последните две години зголемен е бројот на кривични дела и прекршоци сторени од малолетници. Според податоците, во 2021 година низ државата се регистрирани 210 кривични дела и прекршоци, додека во 2022 година 297 случаи. Најголем број од овие законски прекршоци во 2021 година, но и во 2022 година се регистрирани во Скопје а потоа следува Тетово. Податоците што ги добивме од Министерството за внатрешни работи покажуваат дека во текот на 2022 година има речиси двојно зголемување и на кривичните дела и на прекршоците извршени од малолетници и тоа 52 кривични дела во 2021 година а 90 во 2022 година. Додека кај прекршоците, 158 во 2021 година и 207 година 2022. За овие две години 260 малолетни лица се сторители на кривични дела а 503 сторители на прекршоци.

МВР
Кривично дело                                             Сторители на делото

2021                                                       2022                      2021/2022

СВР- Скопје                        13                                                           28                                  92
СВР – Битола                         8                                                           8                                   20
СВР – Велес                          0                                                           0                                    0
СВР – Куманово                   1                                                           2                                     5
СВР – Охрид                          7                                                        13                                26
СВР – Струмица                  0                                                            3                                    6
СВР – Тетово                     20                                                         32                               104
СВР – Штип                      3                                                            4                                     7

ВКУПНО                        52                                                      90                                260

Професорката Татјана Стојаноска Иванова вели дека и на социјалните мрежи и на телевизиските канали доминираат содржини кои промовираат насилство и антивредности. Во такви околности, вели таа, децата имаат за омилени ликови насилни поединци од серии, емисии или цртани филмови и истите ги имитираат во реалниот живот. Според неа, образовниот систем треба да смисли начин како да ги едуцира младите како да ги користат масовните медиуми, со цел медиумите да служат за вредности, а не за антивредности. Според професорката потребно е да се состави национална стратегија.

Неодамна јавноста беше шокирана од сериозни настани, па дури и убиства – каде што извршители се малолетници. Последен случај беше во Тетово каде 17-годишник беше пронајден мртов, а осомничена за  убиството е 16-годишна девојка./Alsat.mk

Еви Шкопи