Женскиот суперлигаш Чаир промовира ново засилување, откако вчера се пофали со потписот на романскиот десен бек Софија Чавар.
Повратник во редовите на скопскиот клуб е Мила Алексоска која настапува на позицијата кружен напаѓач. Алексоска се враќа во редовите на Чаир чиј член беше и во минатото. Освен за чаирчани, таа настапуваше и за екипите на Металург и Металург Автокоманда.
ЖРК Чаир работи на креирање квалитетен ростер ракометарки за да може да се нападне врвот во мак-ракометот. Минатата сезона Чаир му гледаше во грб на градскиот ривал Ѓорче Петров во првенството, а загуби од овој ривал и во финалето на Купот.
