Moti me vranësira të ndryshueshme, temperature deri në 18 gradë

Moti në mbarë vendin do të jetë me vranësira të ndryshueshme, paradite me reshje të dobëta lokale shiu, kryesisht në pjesët lindore. Do të fryjë erë e lehtë deri mesatare nga jugu. Temperatura minimale do të jetë në interval prej 4 deri në 10, ndërsa maksimalja do të arrijë nga 11 deri në 18 gradë.

Në Shkup mot i ngjashëm me vranësira të ndryshueshme me erë të dobët nga jugu. Temperatura minimale do të bie deri në 4, ndërsa ajo maksimale do të arrijë deri në 17 gradë.

Gjatë fundjavës do të fryjë erë mesatare, përkohësisht e përforcuar nga jugu, e cila ditën e shtunë do të jetë më e theksuar në zonat perëndimore të vendit. Nga e diela moti do të jetë i ndryshueshëm me vranësira dhe me reshje të përkohshme shiu me intensitet të ndryshueshëm.