Nadal humb Kupën “Lejver”, lamtumira e tij do të jetë në Malaga

Tenisti spanjoll Rafael Nadal nuk do të garojë në Kupën  “Lejver“, ndërsa lajmi është konfirmuar nga spanjolli në rrjetet sociale. Spanjolli nuk është rikthyer ende në fushët e tenisit dhe nuk do ta bëjë këtë në turneun e Berlinit, ku kishte planifikuar të garonte.

“Kjo është një garë ekipore dhe për të mbështetur me të vërtetë ekipin evropian duhet të bëj atë që është më e mira për ta dhe për momentin ka lojtarë të tjerë që mund ta ndihmojnë ekipin të fitojë. Kam kaq shumë kujtime të mrekullueshme dhe emocionale nga luajtja në Kupën “Lejver” dhe mezi prisja të isha me shokët e skuadrës dhe Bjorn në vitin e tij të fundit si kapiten. I uroj fat ekipit europian dhe do t’i bëj tifo nga tribuna”, tha Nadal.

Fundi i Nadal është afër. Mediat thonë se turneu i tij i fundit duket se do të jetë në Malaga në Spanjë.