Ndryshimet kushtetuese, BESA thirrje partive politike shqiptare për unifikim të qëndrimeve

Në prag të ndryshimeve kushtetuese, Lëvizja BESA ju bën thirrje të gjitha partive politike parlamentare shqiptare që të unifikojnë qëndrimet e tyre dhe bashkërisht të kërkojnë heqjen e termit 20 për qind dhe i njëjti të zëvendësohet me gjuha shqipe, shkruan Alsat.

“Në frymën e interesit mbi partiak dhe duke u nisur nga fakti se të gjitha partitë politike parlamentare shqiptare janë nënshkruese të deklaratës së përbashkët politike si dhe mekanizmit politik për unifikim të qëndrimeve që është tryeza e partive politike, sot në emër të kryetarit të Lëvizjes BESA, Bilall Kasami u dërgojmë ftesë të gjitha partive politike shqiptare për një takim të përbashkët ku do të diskutohet avancimi i të drejtave të shqiptarëve në Maqedoninë e Veriut. Në këtë takim do të diskutohet dhe ndërtimi i një qëndrimi të përbashkët rreth ndryshimeve kushtetuese që do të duhet të ndodhin shumë shpejt dhe si ndërmarrja e hapave konkret se si të heqim termin nënçmues 20 për qind dhe të njëjtin ta zëvendësojmë me termin gjuha shqipe.”, tha Arianit Hoxha, zëvendëskryetar i lëvizjes BESA. Të heqim dorë nga bajraktarizmat dhe të bëjmë krenar çdo shqiptarë në RMV”, deklaroi Arianit Hoxha, zëvendëskryetar i Lëvizjes BESA. /Alsat.mk