Numri i personave që kërkojnë lëmoshë është shumë i lartë

Gazetar: Avni Tahiri

• Gazetari: Mund të shoh se çfarë është?
• Lypsarja: Ja shihe.
• Gazetari: Nuk është foshnjë?
• Lypsarja: Jo, nuk është. Por nuk mund të sjell fëmijët këtu në të ftohtë të ngrijnë.
• Gazetari: Po, si mund të improvizosh foshnjë apo kjo është një mënyrë e lypjes?
• Lypsarja: Nuk është mënyrë, mundët si jo.

Në vend të foshnjës, kjo lypsarë mban në duar rroba të mbështjella në batanije, dhe kështu ka gjetur mënyrën e saj të mbijetesës, duke kërkuar lëmoshë nga qytetarët që u vjen keq kur e shohin.

• Lypsarja: U vjen keq njerëzve dhe na japin para, nëse e sjelli fëmijën tim nuk bën, ja shiko, me fëmijët e vet jashtë dhe kur shkojnë në shtëpi janë të sëmurë.
• Gazetari: Pra kjo nuk është foshnje?
• Lypsarja: Jo, nuk është.
• Gazetari: Pra është një foshnje e improvizuar?
• Lypsarja: Po.
• Gazetari: Çfarë ka brenda?
• Lypsarja: Rroba
• Gazetari: Dhe je detyruar të gjendesh në një mënyrë?
• Lypsarja: Po, që të mos i nxjerri fëmijët jashtë në të ftohtë.
• Gazetari: Ku janë fëmijët?
• Lypsarja: Janë në shtëpi me vjehrrën
• Gazetari: Dhe në vend të fëmijët këtu solle rroba?
• Lypsarja: Po, gjendu dhe jeto.

Kjo grua që jeton vetëm nga lëmosha, thotë se nëse i ofrohet punë nuk do të zgjidhte se çfarë do të punonte, por që deri më tani mënyrë të vetme të ushqeje fëmijët e saj e ka vetëm këtë, të kërkojë lëmoshë në rrugë.

• Gazetari: Çfarë pune do të mund të punoje?
• Lypsarja: Çfarë të jetë do të punoja, kam parë gra që punojnë në KFC që punojnë ka nga ata që pastrojnë jashtë, edhe unë dua të punoj, nuk është turp të punosh por kjo që po bëj është e turpshme. Çdokush na shanë, na ofendon, tallen me ne por patjetër të punoj.
• Gazetari: Cilët janë fjalët më të shëmtuara që ke dëgjuar nga njerëzit?
• Lypsarja: Ato që shajnë.
• Gazetari: Ndjehesh keq atëherë?
• Lypsarja: Si jo. Disa na shajnë dhe u bien fëmijëve dhe na rrahin ndërsa patjetër të kërkosh lëmoshë, kur nuk ke çfarë të hash e ke patjetër. Shteti nuk na ndihmon, dy muaj ndenja në park me fëmijët askush nuk erdhi të na ndihmoje, shkova në entin social dhe nuk na dhanë vend strehim.

Në vendin tonë nuk ka shifra zyrtare se cili është numri i saktë i lypsarëve por sipas statistikave jo zyrtare, vetëm në Shkup ka mbi 600 të tillë. Në punktet e të pastrehëve në Shkup janë të regjistruar si të pastrehë mbi 500 persona të moshave të ndryshme./Alsat.mk