Pamje: Vajzës i përplaset pulëbardha fytyrës gjatë luhatjes në lartësi
Një vajzë 13-vjeçare në Shtetet e Bashkuara, përpos adrenalinës, është përballur edhe me një befasi gjatë luhatjes në lartësi.
Përderisa ajo ishte e mahnitur nga luhatja me shpejtësi në lartësi të konsiderueshme, një pulëbardhë i përplaset në fytyrë.
Kiley Homan ishte duke e festuar ditëlindjen e shoqes së saj para disa ditëve. Dy shoqet shkuan në një park lodrash. Luhatëset e këtij parku lëvizin me shpejtësi deri në 120 kilometra në orë.
Disa sekonda pas fillimit të videos, vajza befasohet nga pulëbardha që i qëndron për pak kohë në qafë, para se adoleshentja ta largojë me dorë.
