Putin: Rusia nuk shqetësohet nga anëtarësimi i Suedisë dhe Finlandës në NATO

Presidenti rus Vladimir Putin është shprehur se Rusia nuk është e shqetësuar nëse Suedia dhe Finlanda i bashkohen NATO-s, por ka paralajmëruar se do ti përgjigjet në mënyrë të njëjtë çdo kërcënimi.

“Nuk ka asgjë që mund të na shqetësojë për anëtarësimin e Suedisë dhe Finlandës në NATO. Nëse duan të bashkohen, ju lutemi. Vetëm ne duhet të kuptojmë qartë dhe saktë – ndërsa nuk ka pasur asnjë kërcënim më parë, në rastin e kontingjenteve ushtarake dhe infrastrukturës ushtarake që do të vendosen atje, ne do të duhet të përgjigjemi në mënyrë simetrike dhe të ngremë të njëjtat kërcënime në ato territore nga ku kanë lindur kërcënimet për ne.”, tha Putin në një konferencë shtypi pas Samitit të Kaspikut në Turkmenistan të mërkurën.

Putin shtoi gjithashtu se zgjerimi i NATO-s do të sillte “tensione”.

“Gjithçka ishte mirë me ne, por tani do të ketë disa tensione – kjo është e qartë; është e pamundur të jesh pa të,” tha ai.