Qyteti i Shkupit i bën thirrje MPB-së që të largoj bllokadat e transportuesve privat

Sekretari i Këshillit të Qytetit të Shkupit, Zoran Gligorov në konferencën e sotme i bëri thirrje Ministrisë për Punë të Brendshme që të ndërmerr masat e duhura për t’iu mundësuar qytetareve lëvizjen e lirshme. Sipas tij nuk ka ngecje në punën e NQP-së, por ngecje dhe tollovi shkaktojnë bllokadat e transportuesve privat.

“Nga ana e Qytetit të Shkupit janë ofruar disa zgjidhje, por janë hedhur poshtë nga pala tjetër. Dua të theksoj se nuk ka ngecje për shkak të NQP-së por për shkak të bllokadave të cilat kanë prapavijë politike. Andaj i bëjmë thirrje MPB-së që të ndërmerr masa sepse për interes personal të dikujt po pësojnë qytetarët:, tha Zoraan Gligorov, sekretar i Qytetit të Shkupit.

Gligorov në fund iu shmang pyetjeve të gazetarëve, duke iu sugjeruar atyre që për çdo pyetje eventuale të drejtohen përmes adresës elektronike të Qytetit të Shkupit.