Reali humb durimin, kërkon lojtarit të largohet ose do të ulet ne stol

Real Madridi po konsideron përjashtimin e sulmuesit Mariano Diaz nga skuadra e tyre, pasi lojtari vazhdon të refuzojë ofertat për t’u larguar nga “Santiago Bernabeu”.

Diaz, 28 vjeç, e ka pasur të vështirë kohën e aktivizimit gjatë kohës së tij në Bernabeu, duke dështuar të bëhet pasardhësi i Karim Benzema. Domenikani ka bërë 73 paraqitje për “Los Blancos” gjatë karrierës së tij, duke shënuar 12 gola. Sezonin e kaluar, ai bëri vetëm 11 paraqitje, duke shënuar vetëm një gol dhe një asist.

“El Nacional” raporton se Real Madridi është bërë i paduruar me mungesën e formës së treguar nga sulmuesi dhe po kërkon të shkurtojë humbjet e tyre nga sulmuesi këtë verë. Kampionët e La Ligës thuhet se po ushtrojnë presion mbi Diaz për t’u larguar, me domenikanin që ka refuzuar ofertat për t’u larguar deri më tani.

Mungesa e negociatave të Diaz mund të çojë në përjashtimin e sulmuesit nga skuadra. Madridi po mendon gjithashtu t’i thotë Diaz-it se nuk do të luajë asnjë minutë në klub.