Rikthimi i Mesit, mund të rrisë të ardhurat e tyre për 25 për qind

Nëse dëshira e Barcelonës për të rikthyer Lionel Mesin ishte një ‘sekret i folur’ gjatë sezonit të kaluar, tani është një objektiv i konfirmuar për “Blaugranët”, sipas komenteve të bëra nga zëvendës-presidenti Rafa Yuste. Sipas gazetës “Mundo Deportivo”, arsyet e rikthimit të Mesit në “Camp Nou” shkojnë edhe përtej fushës.

Ky medium shton se ndërsa Messi padyshim do të përfaqësonte një kërcim të madh në cilësi për Barcelonën për sa i përket teknikës, ai do të sillte gjithashtu përfitime të mëdha ekonomike. Sipas informacioneve të tyre, prania e tij vlente rreth 250-300 milionë euro për Barcelonën para se të largohej. Një numër sponsorësh iu bashkuan Paris Sen Zhermenit, kur edhe Messi iu bashkua.

Tani e përditshmja katalunase shton se nëse ata thjesht mund ta transferojnë Mesin dhe ta regjistrojnë, atëherë Barcelona do të jetë në gjendje të rrisë të ardhurat e saj me 25%, me vlerësimin optimist që qëndron rreth një të tretën. Ndërsa këto vlerësime duken optimiste, pa dyshim që ka avantazhe për të pasur një nga emrat më të mëdhenj në mbështetje në radhët tuaja.