Shkencëtarët botërorë po punojnë për një protokoll kontakti me jashtëtokësorët

Për 35 vjet, një grup ekspertësh kanë punuar për një protokoll për kontaktin me alienët. Grupi përbëhet nga juristë dhe shkencëtarë që po punojnë për hapat që duhen ndjekur nëse ndodh kontakti me jashtëtokësorët.

Shkencëtari kompjuterik John Elliott i Universitetit të St. Andrews në Skoci tha se për shumë kohë shkencëtarët kanë menduar se si alienët do të ndikojnë në planetin tonë dhe njerëzimin në përgjithësi. Tani ata duan të mendojnë një mënyrë për të krijuar kontaktin e parë me ta dhe çfarë duhet të bëjmë në një situatë të tillë. Deri më tani, ka pasur vetëm një protokoll për kontakt me jashtëtokësorët që nga Instituti për Kërkimin e Inteligjencës Jashtëtokësore SETI në 1989. Ky protokoll u rishikua një dekadë më parë.

Sipas tij, këshilla kryesore për shkencëtarët në rast kontakti me jashtëtokësorët është të kërkojnë udhëzime nga Kombet e Bashkuara ose një organ tjetër. Në dekadat e fundit, ideja për të gjetur jetë në një planet tjetër është bërë e rëndësishme për shkak të disa arritjeve shkencore, si gjetja e gjurmëve të ujit në Mars dhe ekzoplaneteve të ngjashme me Tokën.

LEXO EDHE:

Back to top button