Si të shijoni domaten e verës gjatë gjithë vitit

Për të qenë në gjendje të shijojmë domaten gjatë gjithë vitit dhe të marrim ushqyesit e saj pa bërë kompromise të shijshme, ne duhet të marrim domate të mjaftueshme organike gjatë verës, dhe t’i mbajmë ato, në mënyrë që t’i konsumojmë kur të duam.
Këtu janë disa mënyra për të ruajtur domatet gjatë gjithë vitit:

1. Në frigorifer
Zgjidhni domate të vogla, pritini përgjysmë dhe vendosini me anën e prerë poshtë në një letër të yndyrshme. I ngrini dhe i transferoni në një qese për ruajtjen e ushqimit ose enë tjetër. Kur doni t’i shijoni, ngrohni furrën tuaj në 180 gradë Celsius. Vendosini domatet në një enë qelqi të papërshkueshme nga zjarri, spërkatini me vaj ulliri, shtoni kripë dhe piper dhe vendosini në furrë për 45 minuta. Kombinojeni në mënyrë perfekte me oriz, spageti ose bollgur.

2. Tharja
Ju mund të bëni vetë domate të thara në diell që janë aromatik dhe shumë të shijshëm. Blini disa kilogramë dhe pritini ato më të vegjlit në mes dhe ato më të mëdhatë në katër ose feta. Ngroheni furrën tuaj në 120 gradë. Vendosini domatet me anën e prerë lart në një letër të yndyrshme dhe piqini derisa të humbin lëngjet dhe rrudhen për dy deri në pesë orë në varësi të madhësisë së tyre. Domatet e thata ruhen në vaj ulliri për muaj. Nëse gjeni pas tharjes se nuk e keni hequr të gjithë lagështinë thjesht konsumojini ato më shpejt që të mos prishen.

3. Lëng domate
Lëngu i domates është një burim popullor i lëndëve ushqyese si vitamina C dhe likopeni, një substancë që parandalon sëmundjet e zemrës dhe disa kancere. Pas shtrydhjes, pijeni lëngun menjëherë ose ngrini në kube akulli ose kavanoza qelqi (duke lënë pak hapësirë sipër). Sa herë që keni nevojë për lëng domate, shkrini dhe përdorni.

4. Salcë
Bëni salca nga domatet tuaja. Salcat e bëra në shtëpi janë shumë më të shëndetshme sesa ato të gatshme dhe ne gjithashtu kemi aftësinë për të përshtatur shijen e tyre me shijet tona. Ne gjithashtu mund të ngrijmë salcën e domates dhe të shijojmë një aromë të mirëfilltë verore në dimër./abcnews.al