Të rinjtë i thonë “jo” verës: Konsumi global në nivelin më të ulët historik

Konsumi global i verës në vitin 2024 ra në nivelin e tij më të ulët në më shumë se gjashtë dekada, tha Organizata Ndërkombëtare e Hardhisë dhe Verës (OIV), duke paralajmëruar për rreziqe të mundshme shtesë për industrinë, duke përfshirë tarifat e SHBA dhe ndryshimet në zakonet e konsumatorëve.

Sipas të dhënave të OIV, konsumi i përgjithshëm global i verës ishte 214.2 milionë hektolitra vitin e kaluar, një rënie prej 3.3 për qind krahasuar me vitin 2023 dhe niveli më i ulët që nga viti 1961, kur konsumi ishte 213.6 milionë hektolitra, raporton The Guardian.

Në të njëjtën kohë, prodhimi global i verës ra me 4.8 për qind në 225.8 milionë hektolitra, gjithashtu niveli më i ulët i regjistruar në më shumë se 60 vjet.

“Industria e verës po goditet nga një stuhi e përsosur – shqetësimet shëndetësore, inflacioni, paqëndrueshmëria gjeopolitike dhe ndryshimet afatgjata në sjelljen e konsumatorëve,” tha Giorgio Delgrosso, kreu i sektorit të statistikave në OIV.
Në raportin vjetor thuhet se nga viti 2019 dhe 2020 deri më sot, konsumi i verës është ulur me 12 për qind, ndërsa çmimi mesatar i një shishe është rritur me rreth 30 për qind. Në Shtetet e Bashkuara, tregu më i madh në botë i verërave, konsumi ra me 5.8 për qind në 33.3 milionë hektolitra.

Në raportin vjetor thuhet se nga viti 2019 dhe 2020 deri më sot, konsumi i verës është ulur me 12 për qind, ndërsa çmimi mesatar i një shishe është rritur me rreth 30 për qind. Në Shtetet e Bashkuara, tregu më i madh në botë i verërave, konsumi ra me 5.8 për qind në 33.3 milionë hektolitra.

Delgrosso tha se tarifat e mundshme të verës të vendosura nga Presidenti i SHBA Donald Trump mund të përbëjnë një goditje shtesë për industrinë. Në Kinë, shitjet e verërave nuk kanë arritur ende nivelet para koronavirusit, ndërsa në Evropë, e cila përbën pothuajse gjysmën e tregut global, konsumi ra me 2.8%.

OIV thekson se nuk mund të parashikojë me siguri nëse konsumi i verës do të rritet përsëri. Kompanitë e industrisë, si zinxhiri francez i verërave Nicolas, tregojnë për një “ndryshim brezash” në qëndrimet ndaj alkoolit.