Tetovë/ Sulmohet fizikisht 76-vjeçari për parking

Një 76-vjeçar nga Tetova, është sulmuar dje fizikisht nga fqinji i tij M.S 30-vjeç, për një vend parking, njoftojnë nga Sektori i Punëve të Brendshme të Tetovës.

“Shtatëdhjetë e gjashtë vjeçari S.A. nga Tetova dje (04-tetor) në ora 11:10 në SPB Tetovë ka raportuar se njëzet minuta më parë është sulmuar fizikisht para shtëpisë së tij nga fqinji i tij M.S. (30), për shkak të keqkuptimeve rreth vend parkimit. Ndaj M.S. është përgatitur parashtresë përkatëse”, informojnë nga SPB Tetovë.