Ukraina paralajmëron Iranin për pasoja për shkak të mbështetjes ndaj Rusisë

Kievi e ka paralajmëruar Iranin se “pasojat” për ta mbështetur Rusinë në luftën e saj kundër Ukrainës janë më të mëdha se “përfitimet”.

Reagimi vjen pasi Irani e pranoi për herë të parë se e ka furnizuar Moskën me drone, por vetëm para fillimit të luftës.

Perëndimi beson se Rusia ka përdorur dronët iranianë “kamikazë” për të goditur objektet kryesore të infrastrukturës në Ukrainë, por Irani dhe Moska e mohuan më parë këtë.

Ndërprerjet kanë goditur pjesën më të madhe të Ukrainës pas sulmeve në termocentralet.

Zyrtarët perëndimorë kanë akuzuar Iranin për furnizimin me dronë në Rusi dhe për sigurimin e personelit në terren për të trajnuar pilotët rusë të dronëve.

Më parë, Teherani i mohoi akuzat, por të shtunën ministri i jashtëm i Iranit tha se një numër i vogël i automjeteve ishin dërguar në Moskë.

“Ne i siguruam Rusisë një numër të kufizuar dronësh shumë muaj përpara luftës në Ukrainë”, iu tha gazetarëve në Teheran, Hossein Amir-Abdollahian.

Ukraina iu kundërpërgjigj, duke thënë se mbështetja e Iranit për Rusinë përfundimisht do të dështonte.

“Teherani duhet të kuptojë se pasojat e bashkëpunimit në krimet e agresionit të Federatës Ruse kundër Ukrainës do të jenë shumë më të mëdha se përfitimi i mbështetjes së Rusisë”, tha zëdhënësi i Ministrisë së Jashtme, Oleg Nikolenko.