Ukraina rikthen regjimin e vizave për rusët

Ukraina rikthen regjimin e vizave për rusët

Kabineti ukrainas miratoi një rezolutë të premten për të ndaluar shtetasit rusë të hyjnë në Ukrainë pa vizë.

Masa ka të ngjarë të shihet si simbolike duke pasur parasysh se kufijtë midis Rusisë dhe Ukrainës kanë mbetur të mbyllur që kur Moska pushtoi fqinjin e saj më 24 shkurt dhe Kievi ndërpreu marrëdhëniet diplomatike me Moskën.

Kërkesa për vizë, e cila është vendosur të hyjë në fuqi më 1 korrik, përfaqëson megjithatë një ndryshim të rëndësishëm në lehtësinë e udhëtimit të lejuar më parë, raporton ap.

Presidenti ukrainas, Volodymyr Zelensky deklaroi sot se vendimi ishte i motivuar nga “kërcënime të paprecedentë ndaj sigurisë kombëtare, sovranitetit dhe integritetit territorial” të Ukrainës.

Përpara se Rusia të pushtonte Ukrainën, rusët nuk kishin nevojë të marrin viza për të hyrë në vend.

Shumë rusë kanë të afërm përtej kufirit, ndërsa të tjerë udhëtonin rregullisht për të vizituar plazhet jugore të Ukrainës dhe qytetet historike.

 

LEXO EDHE:

Back to top button