Votoi për Lionel Mesin, tifozët madrilen e sulmojnë
Çmimi “The Best FIFA”, si gjithmonë ka shkaktuar shumë polemika lidhur me përzgjedhjen e Leo Mesit si fitues. Aq sa një nga ata që u vu në dukje ka qenë David Alaba, i cili si kapiten i kombëtares austriake ishte një nga ata që kishte votuar yllin argjentinas.
Megjithatë, ky vendim e ka bërë përgjegjës në “Casa Blanca”, ndaj është qortuar nga tifozët madrilenë se kishte zgjedhur të parin Mesin, të cilin e kuotoi me maksimumin e lejuar të votave, më shumë se Benzema, shokun e tij të skuadrës në Madrid.
Në këtë mënyrë, mbrojtësi austriak donte të dilte publikisht për të shpjeguar arsyet e zgjedhjes së tij. Përmes një postimi në Tëitter, Alaba shpjegoi.
“Është kombëtarja austriake që voton për këtë çmim si ekip, jo vetëm unë. Të gjithë në këshillin e ekipit mund të votojnë dhe kështu vendoset. Të gjithë e dinë, veçanërisht Karim, sa e admiroj atë dhe paraqitjet e tij. E kam thënë shumë herë që për mua është sulmuesi më i mirë në botë dhe vazhdon duke qenë kështu. Pa asnjë dyshim,” tha mes tjerash Alaba.
Lojtari austriak, nga ana e tij vazhdon procesin e rikuperimit nga dëmtimi i muskujve që pësoi në “Anfield” dhe nuk do të jetë në gjendje të jetë me ekipin e tij në “El Clasico” e rëndësishme të Kupës së Mbretit, këtë të enjte në “Bernabéu”, ndaj Barcelonës.
