Министерот за здравство, Арбен Таравари, покрена истрага за злоупотреба и корупција против поранешниот директор на тетовската Клиничка болница, Илир Демири. Таравари рече дека ќе се направат истраги за сите проекти за кои постојат сомневања за можна корупција и наскоро ќе излезе со конкретен извештај. Според Таравари, вакви инспекции ќе се вршат во сите клиники и здравствени установи.
„Ги разгледуваме повеќето институции…има индиции дека имало злоупотреби од страна на поранешниот директор на тетовската Клиничка болница, но дајте ни простор да излеземе со докази дали тоа е точно, а ако не тогаш ќе останат само индикации. Имаме само еден ревизор во Министерството за здравство и над 150 здравствени институции каде што ги разгледуваме повеќето од нив, така што е потребно време за да излеземе со конкретни извештаи за злоупотреби“, рече Арбен Таравари, министер за здравство.
Но, поранешниот директор на тетовската Клиничка болница, Илир Демири, категорично ги отфрла обвинувањата на Таравари.
„…инвестициите во тетовската болница се транспарентни. Не е добро да се биде обвинет без факти и без основа, особено од човекот кој води институција. Ќе кажам дека во клиничката болница во Тетово, за шест месеци колку што ја раководев, имаше голема револуционерна позитивна промена и ги повикувам сите носители на јавни функции што ги работев во клиничката болница во Тетово, да рефлектира за да можат и тие успешно да реализираат. Во нивната биографија тие беа министри и тие треба барем да направат споредба на она што го направија тие и она што го направив јас“, изјави Илир Демири, поранешен директор на Клиничка болница Тетово.
Министерството за здравство се сомнева дека некои проекти кои биле реализирани во времето на Демири се направени без почитување на законските тендерски процедури./Алсат.мк
Башким Сулејмани
