Министерството за внатрешни работи само во текот на вчерашниот ден, санкционираше 180 возачи на територија на Град Скопје.
Овие активности се дел од засилените акциски контрола во областа на сообраќајот, кои МВР ги реализира на секојдневна основа.
-На територија на град Скопје изречени се вкупно 180 мерки, меѓу кои за возење повеќе од дозволеното 14 санкции, 14 мерки за возење без возачка дозвола, oсум санкции за управување под дејство на алкохол. Изречени се шест мерки за користење мобилен телефон при возење, три санкции за возач почетник, осум мерки за минување на затворен сигнал (црвено светло), една санкција за некористење сигурносен појас – соопштија од МВР.
Од МВР повторно со апел до сите учесници во сообраќајот, да ги почитуваат пропишаните правила, со цел поголема безбедност на патиштата.
