„20 проценти“ ќе се тргне кога ќе се отвори Уставот, вели вицепремиерот Фетаи
Вицепремиерот за добро владеење, Арбен Фетаи, ветува дека во првиот момент кога ќе се отвори уставот за да се направат неопходните промени за продолжување на европскиот пат на земјата, коалицијата ќе стори сé за да се отстрани дефиницијата за албанскиот јазик во уставот, како јазик што го зборуваат 20 проценти од населението.
“Барем на централно ниво, бидејќи знаеме дека на локално ниво, треба да остане на сила во однос на турското малцинство во одредени општини. 11:53 Во континуитет велиме, како Алијанса за Албанците како коалиција, се обврзавме на укинување на 20 проценти, во смисла на албанскиот јазик во Уставот, и верувам дека во првиот момент кога ќе се отвори уставот да се направат неопходните промени за продолжување на европскиот пат на земјата, ќе вложиме максимални напори за конечно да се поправи прашањето за дефиницијата на 20 проценти од албанскиот јазик во Уставот“, вели Фетаи.
Фетаи рече дека работната група составена од претставници на сите коалициски партии работи на законското решение за правична и соодветна застапеност. Тој рече дека од следната недела ќе се зборува за конкретни решенија.
“Од страна на коалицијата ВРЕДИ, јас сум лидер на оваа работна група, досега имавме 3 средби и од следната недела ќе почнеме да зборуваме за конкретно решение, кое потоа ќе биде дадено на парламентот како претставник на суверенот, и ќе има јавна расправа и се надевам дека за краток период ќе најдеме законско решение преку парламентот. Значи, уставниот принцип, конечно по 22 години ќе биде преточен во конкретно законско решение“, додава Фетаи.
Фетаи рече дека новата влада, исто така, ќе работи на реформите во администрацијата, подвлекувајќи дека актуелната влада наследила високо политизирана и гломазна администрација и на многу начини неефикасна.
Ајнур Бафќари
